Er geologien i Sunnhordland unik nok til at regionen kan bli ein UNESCO global geopark? Dette skal ei knippe geologar og arkeologar med god kunnskap om Sunnhordland drøfta 21-22 april.
Torsdag 20 april er det synfaring på Bømlo og fredag 21 april er det work shop i Moster Amfi.
Deltakarane er:
Prof. John Inge Svendsen, UiB
1. amanuensus Øystein James Jansen, tidl. UiB
Prof. Knut Andreas Bergsvik, UiB
Prof. William Helland-Hansen, UiB
Prof. Rolf Birger Pedersen, UiB
Geolog Jomar Ragnhildstveit, Hfk
Geolog Dag Bering, Oljedirektoratet
Tom Heldahl, avdelingsdirektør NGU
I tillegg møter prosjektleiar i geopark Sunnhordland, Brynjar Stautland og dagleg leiar i Samarbeidsrådet, Gro Jensen GJerde.
Øystein Jansen vil skriva ein uttale frå denne samlinga, som skal svara på om det er grunnlag for Sunnhordland å arbeida vidare for å verta ein del av UNESCO sitt verdsomspennande nettverk.
Ein geopark handlar ikkje berre om geologi, men ein global geopark i regi av UNESCO må ha ein geologisk arv som er viktig internasjonalt. Men hensikten med ein geopark er å la samfunnet oppleva samanhengen mellom geologi og resten av området sin natur og kulturarv. Det geologiske mangfaldet kan verta utgangspunkt for naturopplevingar som reiselivet kan ha nytte av.