Strandsoneprosjektet i Sunnhordland

Gjennom dette arbeidet har ein hatt fokus på kartlegging av strandsona. Det er gjennomført kartlegging av dagens plan- og arealstatus i heile 100-meters beltet, samt vurderingar for framtidig forvaltning gjennom kartlegging av funksjonell strandsone i eksempelområder i kommunane. I tillegg er det gjort vurderingar knytt til forvaltning og styringsverktøy for kommunal planlegging i strandsona.

Det er utarbeidd eigne rapportar frå kvar kommune (ligg vedlagt).

Kommunane i Sunnhordland  ynskjer å verna om strandsona, men ynskjer samstundes å nytta delar av den som eit viktig aktivum for næring, busetnad og fritid. Ved å gå saman om planar og reglar for forvaltning av strandsona forventar kommunane at ein kan få til større samanhengande friområde, levekraftige lokalsamfunn, vern om særlege områder gjennom  fokus på kva ein skal ta vare på – og kva områder som kan  byggast ut.

I august 2010 fekk Samarbeidsrådet for Sunnhordland pilotstatus i høve til differensiert forvaltning av strandsona etter den nye Plan og bygningslova.  I dette ligg det:

• At regionen utarbeider Interkommunal plan for forvaltning av strandsona i Sunnhordland
• At der ein i arbeidet utfordrar gjeldande lovverk får ein open dialog med Kommunal - og regionaldepartementet og Miljøverndepartementet for å finna dei gode løysingane.
• At regionen får testa ut differensiert forvaltning etter planen over 4- 5 år.
• At arbeidet vert evaluert, gjerne gjennom følgjeforsking.

Rapport frå forstudien'Differensiert strandsoneforvaltning i Sunnhordland' ligg vedlagt.