Samferdsel

Arbeidet med å betra samferdselsløysingane internt i regionen og mot omverda er eit langsiktig og krevjande arbeid. Samarbeidsrådet for Sunnhordland har så langt vore ein aktiv pådrivar for å sikra felles regionale prioriteringar innanfor denne sektoren, noko som har resultert i realisering av fleire, store og små prosjekt. I perioden som kjem vil det bli lagt vekt på å utvikle gode samarbeidsprosjekt med fylkeskommunen, naboregionane og næringslivet for å gjera det meir sannsynleg at samferdselsprosjekt i vår region vinn fram i dei nasjonale prioriteringane.

Hovudmål for samferdsla i Sunnhordland

Vidareutvikla Sunnhordland som ein robust region med gode miljøkvalitetar og gode levevilkår
Styrkja sysselsetjingsgrunnlaget i regionen ved å betra konkurransevilkåra for næringslivet gjennom betre kontakt mot viktige interne og eksterne marknadsområde
Knyta regionen tettare til Bergen som fylkes- og landsdelssenter, og til dei to vestlandsbyane Haugesund og Stavanger
Utvikla Stord som region- og kommunikasjonssenter
Gje sterkare samanknyting av regionen for å få betre utnytting av regionen sitt samla ressursgrunnlag
Utvikla Sunnhordland som eit felles bu-, service- og arbeidsmarknadsområde
Vidareutvikla eit tenleg transporttilbod for alle trafikkgrupper gjennom tilrettelegging av eit kollektivt transporttilbod, særleg mot viktige lokale og regionale tilbod
Samordna transport- og arealpolitikken for redusert transportbehov og effektiv trafikkavvikling
Leggja til rette for trygge trafikktilhøve med god og sikker framkomst for alle trafikantgrupper

I tilknyting til samferdselsanalysen vart det utarbeidd ein kortversjon av planen. Denne kan de lasta ned fra denne sida.

	Samferdselsplan for Sunnhordland


	Tilbake