Omorganisering av familievernkontor

Samarbeidsrådet er gjort kjent med planane i BUF etaten vedr. omorganisering av Familievernkontora, der kontoret på Stord vert lagt til Haugesund, og Kvinnherad til Odda. Samarbeidsrådet vil sterkt rå i frå ei slik nedlegging.

Samarbeidsrådet skriv i brevet til Barne, ungdoms og familieetaten (BUF) at oppgåvene til famileivernkontora er av ein slik art at dei må ha nærleik til brukarane og til dei aktørane kontora skal samarbeida med.

Avstanden til familiekontora er viktige. Kvinnerad er ein langstrakt kommune der mange er avhengige av ferje og lang køyreveg for å koma til kommunesenteret. Skal kontora flyttast til Haugesund og Odda vert mange i realiteten utan tilbod. Det er i denne samanhengen også viktig å sjå på avstanden til Stord frå dei andre kommunane - ikkje berre avstanden mellom Stord og Haugesund.

Samarbeidsrådet for Sunnhordland vil på det sterkaste rå til at kontora på Stord og Kvinnherad vert oppretthalde.


	Tilbake