Bømlo kommune

Bømlo er Sunnhordland sin siste skanse mot storhavet, som eit langstrakt vern for øyane og bygdene innafor. På bømlo kan du oppleva vill og rå sjø, men også milevidt, blenkjande hav. Busetjinga på Bømlo er spreidd, med heile fem tettstader. Kommunesenteret og største handleplassen er Svortland. 

Det maritime miljøet pregar næringslivet. Sjøen er også ein viktig faktor for reiselivsnæringa, der skjærgarden lokkar med holmar og øyar, lune vikar og kanalar. På Bømlo finn ein vekslande natur, frå det karrige landskapet ytterst mot havet, til meir frodige område.

Frå Siggjo (474 m.o.h.), den høgaste fjelltoppen, er det utsyn frå Folgefonna i aust til Haugesund i sør, og dette populære turmålet har vore og er eit kjent landemerke. 

Pr. 01.01.2010 var det 11 275 innbyggjarar i Bømlo kommune.

Areal: 247 km2