Austevoll kommune

Akkurat der den 60' breddegraden treffer Norge ligg øyriket Austevoll. Heile 667 øyar, holmar og skjer dannar denne naturperla heilt ute med storhavet. Forutan den flotte naturen, er det fiskebåtar, villsau og bruer som austevollingane er stolte av.

Fiske og fangst kombinert med jordbruk var kvardagen for dei fleste austevollingane til langt ut i dette århundret. På slutten av 1900-tallet vart småfiskarane meir og meir erstatta av store ringnotsnurparar, som i dag dannar den store fiskeriflåten til Austevoll.

I dag finnes det fastbuande på 12 øyar i Austevoll; Huftarøy, Selbjørn, Hundvåkøy, Stolmen, Stora Kalsøy, Drøna, Rostøy, Møkster, Litlakalsøy, Kvaløy og Lunnøy. Samferdsle har alltid vore viktig for austevollingane, før gjekk dampen, eller Bremmnes rute mellom øyane og deretter inn til Bergen. Seinare har det blitt oppretta ferjesamband og båtruter mellom øyane.

Arbeidet med å binde dei fem største øyane saman med bruer er komen godt i gang. I 1980 stod brua mellom Huftarøy og Selbjørn ferdig, i 1998 vart verdas lengste fritt fram bru opna mellom Selbjørn og Stolmen. 1999 var brua mellom Hundvåkøy og Storekalsøy ferdig. Den siste brua mellom Huftarøy og Hundvåkøy er på planleggjingsstadiet og me håpar den kan vere klar om ikkje så altfor mange år.

Pr. 01.01.2010 var det 4571 innbyggjarar i Austevoll.

Areal: 114,3 km²